新玩具分享❤閃閃粉紅V仔窩夫機終於到手啦！之前朋友話我知有得預訂時已經好想出手，因為佢個特別版附送既心形格仔餅模好靚好可愛呀！攪到我都好想食格仔餅😍但老公竟然彈出一句:買咗你會用咩？由識你到而家都冇見過你食格仔餅，就算你買完估你都係唔會用超過5次囉！😒就因為呢盤冷水令我放棄去訂佢返黎，結果全城瘋搶到斷晒貨🙈反而澳門八佰伴有現貨又冇人吼，基於我太後悔錯失良機兼粉紅色控既強迫症發作下，於是膽粗粗托敗家谷既澳門谷友幫手先買到，佢仲寄到香港俾我，真係好感動呀！✨澳門人真係好好，又令我諗返起香奈兒時代一班澳門同事都係咁純真簡單又好肯幫人！忽然好掛住大家呢！❤Love is all around❤
Search